عربي

ئاسانترین ڕێگە بۆ دۆزینەوەی زانیاری وخزمەتگوزارى

پەیوەندی بکە بە کەسانی شارەزا

ئايە سەیران و گەشت هۆکارى لە سەر دەروونی مرۆڤ هەيە ؟

20/04/2018
165 جار خوێندراوەتەوە

پسپۆڕێكی نەخۆشییە دەروونییەکان دەڵێت ژیانی ئاڵۆز و مەشخوڵی خەڵکی کە جیاكەرەوەی ژیانی ئاڵۆزی سەردەمی ئێستایە، هۆكارێكی زیادبوونی چەندین نەخۆشیی دەروونیی و جەستەییە.

خۆشحاڵی، کە جیاکەرەوەی رێورەسمەکانی نەورۆزە، هه‌ستێكه‌ له‌ ئه‌نجامی خه‌ڵات وه‌رگرتنێكی جه‌سته‌یی یان مه‌عنه‌وی درووستده‌بێت. له‌ نەورۆزیشدا  به‌شێوه‌ی جیاواز ئه‌وه‌ رووده‌دات، کە دەکرێت بەهۆی ئاگری نەورۆز و دیمەنی ئاهەنگەکانی نەورۆز كه‌ تایبه‌ته‌ و له‌ رۆژانی دیكه‌ جیاوازه‌ و بۆ دەروون ئەرێنییە، یان بەهۆی تێكه‌ڵی كۆمه‌ڵایه‌تی لەکاتی سەیران و ئاهەنگەکان کە هەمدیسان له‌ڕووی ده‌روونییه‌وه‌ دیداری هاوڕێیان و كه‌سه‌ نزیكه‌كان، له‌لایه‌ن مێشكه‌وه‌ خه‌ڵات وه‌رگرتنێكی مه‌عنه‌وییه‌ و خۆشحاڵی درووستده‌كات.
وەک پزیشكان باسیدەکەن پیاسە و پیادەڕەوی سەرشەقام و دەشتودەر، چەندە کاریگەرییان لەسەر تەندروستی جەستە هەیە، هاوکات رێگەیەکی ئارامکردنەوەی دەروونن، بەجۆرێك چه‌ندین توێژینه‌وه‌ سه‌لماندوویانه‌ به‌ پێچه‌وانه‌ی دانیشتن و ژیانی رۆتینییه‌وه‌، چالاكی جه‌سته‌یی و جموجوڵ ده‌بێته‌هۆی ده‌ردانی ره‌گه‌زه‌ كیمیاییه‌ دڵخۆشكه‌ره‌كان له‌ مێشك و ده‌ماره‌كاندا.
له‌ نەورۆز ئه‌و سێ میكانیزمه‌ و هی دیكه‌ش ده‌بنه‌هۆی خۆشحاڵی، به‌ڵام ئایا له‌كاتی خۆشحاڵی چی له‌ جه‌سته‌مان رووده‌دات.

رووداو .نێت